Die FAK-Genealogielessenaar bied ’n Genealogiefees aan

 

Die 2022 FAK Genealogie- & Familiefees kry ’n nuwe “baadjie” in 2023 en ons het ook goeie nuus vir die belangstellendes in die Wes-Kaap.

Navrae oor die twee feeste kan aan Isabel Groesbeek by isabel@kultuurtuiste.org.za gerig word.

 

Kom kuier saam in Pretoria en bring jou genealogienavrae op Maandag 25 September 2023 vanaf 08:00 tot 15:00 vir die FAK FAMILIE- & ERFENISFEES. 

​

Die FAK vat hande met die Voortrekkermonument en die Erfenisstigting om genealogie en erfenisaktiwiteite by een groot feesterrein te kombineer. Kom loer in by die Voortrekkersaal op die Voortrekkermonumentterrein met jou navrae aan die wye verskeidenheid uitstallers.

​

Aktiwiteite vir kinders en erfenispretspeletjies kleur die dag te Pretoria in.

Besoeke aan die Historiese Trekroetetuin, die Erfenissentrum, asook die Voortrekkermonument kan ook in u program ingewerk word (sien www.kultuurtuiste.org.za vir meer detail en koste). Toegang tot Voortrekkermonumentterrein: R30 met veilige parkering. Boeke, eet- en drinkgoed sal te koop aangebied word.

 

Die kollegas in Pretoria vat hande met die FAK Kaapland-kultuurnetwerke vir ’n eerste

FAK FAMILIE- & GENEALOGIEFEES in die Wes-Kaap.
Kom kuier saam met familie en vriende op Saterdag 21 Oktober 2023 vanaf 08:30 tot 15:00 by die

Bellville Voortrekkersaal (teen die N1), Kaapstad.

 

Omkring die datums in jou dagboek en vertel vir familie en vriende van die twee feeste.

Bring jou vrae met bekende familieleidrade na die feeste en besoek die verskeidenheid uitstallings wat deur ervare verteenwoordigers beman word.

Navrae oor spesifieke familie, metodiek en bronne sal beantwoord kan word.

 

Besoek gerus die FAK Facebook vir ’n fotobeeld van die 2022-fees, asook vir die FAK Digitale feesvideo’s tydens die Covid-inperking in 2020 en 2021 met temas oor die Kruger-familie en genetiese insigte, genealogie en die rekenaar, die Buys- en die Dreyer-familie, asook die Andrew Murray-familiebond.